大公文匯全媒體報道，又有人聲稱為下一代教育移民！在港已做到老細級的港男，計劃兩年後，帶住370萬一家四口移民到英國，但心情卻非常忐忑，遂發文向網民求教，「想八卦知道大家當初大約帶約多錢嚟英國」，更設立投票活動。雖然獲不少網民積極回應，惟樓主卻慨嘆「唉，我都唔知啊，人生路不熟，為整個家庭做咁大決定，多少有啲徬徨」。
該港男早前在fb群組「曼徹斯特香港谷 英國 曼城 香港人」發文，打算2026年一家四口移英國，但對在英置業、日常生活開銷無乜概念，想八卦知道大家當初大約帶約多錢嚟英國，畀我有個預算，了解下落地之後有乜大錢要使，未來要留多少先可以穩健落地生根。樓主更設立投票活動，以100萬內至900萬以上為選項，綜觀投票結果，依次為帶100萬內、500萬—700萬和100萬—300萬。
樓主透露，移民主要是為孩子的教育考慮，同太太都一路有研究，準備買物業預180萬至220萬元（港元，下同），前期開銷為20萬元以內，流動現金預100萬元，「如果今年年底走的話，350-370萬我哋都應該籌措到，所以都會full pay買樓」。
樓主提到，因為自己仍在香港做生意，要安頓好公司同伙記先可以行得開，另一方面在港物業都要間時放售套現，所以想預鬆少少時間，畀一年多的光陰籌謀移民，「其實主香港呢邊生意可以generate passive income嘅，3至5萬吧，所以都不急於一落地就搵工作」。
樓主慨嘆「家家本難念的經，四個老人家，點勸都唔走，我響白港又盤生意養緊幾廿個伙記，唔係話走就走」，樓主表示，希望盡孝留耐少少陪「四大長老」，而且公司又要少少時間安排交接，物業又未係最佳套現時機，直言「面對人生咁大決定，難免徬徨」。
帖文獲不少網民回應，有人認為「豐儉由人，所以好難一概而論」、「帶幾多錢過嚟冇意思嘅，你不如問下每個月支出好過啦，我點知你每個月使幾多錢......」、「每個人都唔同，你過嚟繼續撈定退休，細路讀公立定私校，你住邊個埠，已經爭好遠」。不過，有網民語重心長表示，「其實最唔好係賴老人家令人去唔到。自己想去又話小朋友讀書好！」
