港女公司枱上驚見床蝨　疑同事遊日惹蝨回港

大公文匯全媒體報道，日本近日再爆床蝨，有女網民發文表示日前返公司發現枱上有床蝨，馬上用間尺把牠消滅。她透露，有同事最近到日本外遊，回港後亦曾表示「有嘢咬」，相信很大機會是同事由日本惹蝨返港再帶返公司。事主最擔心「唔小心帶咗返屋企就麻煩。」

該名女網民於fb群組「香港滅蟲關注組」發文表示，「一返寫字樓就發現佢（床蝨），間尺一揮就升天」。從上載的相片可見，床蝨爆出鮮血，事主懷疑自己或同事已被床蝨咬。她透露，有同事剛剛去完日本，回港後曾表示「有嘢咬」，相信很大機會是同事由日本把蝨蟲帶回港再帶入公司。

帖文引起網民熱議，有人覺得「好似好大隻？」、「大到咁似曱甴」，事主就形容「2cm闊，文具膠紙，點都唔會係一兩毫子咁大，只係放大黎影咋」。

有網民就提醒事主「如果日日喺度番工，中招機率差不多100%，唔好心存僥倖，惹番屋企手尾好麻煩」、「快啲叫公司搵滅蟲噴一噴藥水唔好比佢哋周圍走！唔係就大鑊！」