王逸戰賣國產T恤呃「手足」　網民批吃人血饅頭

大公文匯全媒體報道，口裏說不，身體最誠實。被控煽動顛覆國家政權罪、去年出獄已解散的「港獨」學生組織「賢學思政」時任召集人王逸戰，日前宣布創立自家服裝品牌「Ramble」，並推出T恤產品發售。不過，就被發現印着「made in China」字樣，激到班「手足」嬲到震，唔少網民都話佢：「呃手足」、「吃人血饅頭」！

網上有人匿名指王逸戰為了賺到盡選擇中國棉，王逸戰前在社交平台發文認錯指「確實，我經驗尚淺，挑選款式時沒有深究棉的來源地是人為疏忽，我對此責無旁貸，深感抱歉」，話眾所周知難以找到香港棉，不能做到100% Made in Hong Kong，只能在有限的範圍中盡力而為，強調自己無意隱瞞云云。

對於被指所售賣產品的成本低於十蚊且由淘寶購入，藉此牟取暴利，王逸戰就澄清售賣的T恤全數由本地服裝製作公司「印嘢」製作，並附上收據證明絕非網上所指於淘寶入貨喎。

不少網民都揶揄「你自己本身就係Made in 內地，真係笑死人」、「個個騙徒畀人拉上庭，同法官求情嗰陣都係講話咩都唔知㗎喇，唔通話我明知㗎，吹Ｘ脹呀咩」、「其實你明知有問題喇，你解釋咁多，都係想夾硬sell埋啲貨尾出去啫，無謂越描越黑喇」、「解釋即係掩飾」。