移英黃絲收天價水費單　大呻被「屈」

點新聞報道：移民英國嘅黃絲生活逼人都係自己攞嚟！最近有移英黃絲「牙痛咁聲」，指自己近日收到一張逾6,000港元的天價帳單，嚇得瞠目結舌。他鬧爆當地亂咁收費，「呢度gas又係唔睇錶亂估我用量，水又係」，直言有被「老屈」的感覺喎。

該移英黃絲在fb群組「英國香港人生活交流區」發帖話，日前收到水費單，要求繳交700鎊（約6,556港元）水費一年，然而，樓主指自己「住 apartment 無得淋花無得洗車，得兩個人都用唔到幾多水」。而樓主最為不滿的是，當局根本沒有在單位安裝水錶，完全以單位的大小來「估計」用水量來收費，他怒斥「根本亂嚟」、「呢度gas又係唔睇錶亂估我用量，水又係，真係老屈」。最後，樓主表示，向供水部門申請安裝水錶，坦言「慳返D錢食咗佢都好吖」。