大公文匯網

大公文匯網
iosEwm.jpg
googlePlayEwm.png
androidEwm.png

來論丨鍾劍華人在外國抹黑香港 打算一世唔返香港?

稀思路/筆是機場

唔知大家有冇發覺,香港嘅「走佬」政客都有個特徵,就係離開香港之後,佢哋都會大放厥詞,利用任何機會攻擊特區政府甚至中央,好似去到外國已經唔需要理會香港國安法咁。最近,筆者喺網上見到一個發帖,內容係關於早前已經離港嘅「學者」鍾劍華,話佢出評論指教育局要中小學將涉及危害國家安全嘅內容下架,並稱之為現代版「焚書坑儒」。筆者非常好奇,一個地方要將危害國家安全嘅書籍等下架,有咩問題?鍾劍華用上「焚書坑儒」去形容事件,擺明就係賊心不改,唯恐天下不亂。

根據相關內容,鍾劍華稱自香港國安法實施以來,除咗公共圖書館要將「敏感」書籍抽走外,教育局亦向中小學校圖書館發放《國家安全:學校具體措施》,要把涉及危害國家安全嘅內容下架,佢仲聲稱現代版「焚書坑儒」就是要「玩模糊」,質疑政權(特區政府)用甚麼方法達到目的云云。其實佢嘅質疑本身都非常值得「質疑」,如果有危國國安嘅書籍或者相關政客嘅書籍可以繼續喺不同嘅圖書館借閱,咁會唔會係繼續助長「違法達義」歪風先啱呢?

對於鍾劍華嘅說法,或者佢喺相關視頻嘅內容,筆者特意入去聽聽,例如佢話有啲攬炒派政客、學者嘅書籍「不可能危害國家安全」都下架,其實件事應該咁睇,一啲危害國家安全嘅書籍,故然要下架,同樣要做嘅事,就係一啲政客例如黃之鋒等,佢哋嘅書籍就算唔係直接同國家安全有關,但呢啲政客有冇喺書講自己點喺議會內外抗爭?有冇喺有意無意間鼓動或者美化緊抗爭思想?鍾劍華可以輕描淡寫地講到某啲書「冇問題」,但其實,本書嘅作者,本身已經大有問題!

另外,在於教育局嘅措施,要涉及危害國家安全嘅內容下架,而「未有講明」邊啲書係「違法」,其實香港國安法已經實施咗超過一年半,對於什麼言行、什麼書籍可能違法,學校管理層作為有經驗嘅知識分子,絕對有能力判斷邊啲書可能違法,邊啲書係合法合規;鍾劍華用「現代版焚書坑儒」嚟形容事件,擺明又係玩抹黑,而且佢係單純從攬炒派視角出發,完全無視維護國家安全嘅重要性。

如果用一個國際標準嚟睇一啲有問題書籍,筆者真係想知道,美國政府會唔會俾學校提供、傳閱有關恐怖思想嘅書籍?更甚者,會唔會其他地方執行起維護國家安全嘅措施,比香港特區仲要嚴厲得多?至於鍾劍華本人,既然佢依家去到外國就「開盡Turbo」攻擊特區政府,甚至用偏頗、失實嘅方式玩抹黑,筆者估計佢都應該唔會返嚟香港喇;其實,香港國安法實施,保障咗絕大多數市民嘅安全同整體社會嘅穩定,個別政客或者所謂「學者」經歷過黑暴運動仲要喺度興波作浪,佢哋咁做嘅最大效果,只有一個,就係進一步將自己趕入絕路,令自己更加「隔絕於香港」。

編輯: 津津

評論

相關推薦

全部 即時 電子報 圖集 視頻
從新到舊 
下拉.png
從新到舊
相關度
從舊到新
搜全文 
下拉.png
全文
標題
關鍵字
類型下拉.png
全部 即時 電子報 圖集 視頻