「黃團」借「手足」呃眾籌　家屬篤爆「無委託」

大公文匯全媒體報道，最近「黃圈」又有人借幫「手足」為名眾籌呃錢。聲稱「絕對不食人血不要光環」嘅團體「黑群義工」日前喺fb出post，聲稱幫「被控25項煽動罪」嘅「伍姓手足」眾籌律師費，仲話「伍姓手足親友」同佢哋聯絡，話聘請律師團隊收取訴訟費尚欠33,000蚊。點當晚就由於當事人家屬反對而改口話「停止眾籌」，但就聲言「為保障我們團隊公信力及團隊成員立場」不會刪眾籌post。於是一班聲稱係當事人家屬嘅人就專登出聲明，直指並無委託任何人公開眾籌律師費，叫大家小心注意受騙。

不過，最戲劇性嘅係好多黃絲都鍾情做水魚，就算「黑群義工」聲稱會退款，班黃水魚都係叫佢哋唔好退，轉捐畀其他組織就得喎，真係萬「呃」皆有因呢。