入行20年首當「男一」 馬貫東不靠關係上位
馬貫東入行20年，直至在無綫話題劇集《死有對証》終於當上男主角。對於這個遲來的「男一」，他認為未算遲，無論演技還是外形，仍有很大進步空間。上位之際，馬貫東被爆出母親曾是李家鼎（鼎爺）的前女友，更有傳他是經由鼎爺引薦入行，他澄清自己並非靠關係入行，強調是一步一步走上來，大家有目共睹。
近年備受無綫力捧的馬貫東，劇集一部接一部，今年先後有三部主演劇集播映，包括《臥底嬌娃》、《正義女神》及首次擔正主演的法醫查案劇《死有對証》。在《死有對証》劇中，他飾演衝動熱血卻帶點倒楣運的刑警「高俊」，與新任強迫症法醫「程芷昕」（陳曉華 飾）及高級法醫「林琛」（韋家雄 飾）組成默契十足的「辦案鐵三角」，深受觀眾歡迎，劇集播出後叫好又叫座。
烈日下搜證戲份最難忘
馬貫東日前接受本報專訪，大談拍劇趣事及當上男主角的感受。他表示，《死有對証》是在三年前的夏天拍攝，最難忘是一場在烈日當空下搜證的戲份，可以用痛苦來形容：「有一場戲喺郊野公園搜證查案，無樹遮蔭，仲要四十幾度，真係好痛苦，連啲蚊都驚咗個太陽，差少少就中暑。」不過，對他來說最辛苦的還是拍攝現場擺放的內臟道具所發出的惡臭味，令他連氣也不想吸。他苦笑說：「法醫場面用真內臟，放一日就有臭味，但聞耐咗就麻木，反而血淋淋嘅場面就唔驚。」
讚陳曉華靚女又勤力
首次擔正演出，馬貫東不諱言壓力一定會有，幸運的是夥拍兩位經驗豐富的拍檔韋家雄及陳曉華。他又爆料指韋家雄愛「玩嘢」，會突然「爆肚」，不過自己反而喜歡：「因為合作過好多次，已經捉到佢啲位，反而鍾意多啲『爆肚』，整個感覺會真實啲。」至於首度合作的陳曉華，他就大讚對方聰明、有智慧、靚女又勤力，尤其見到她要背誦大量專有名詞，更覺得不容易。
回看三年前第一次當男主角的表現，馬貫東坦言無論演技或外貌都有很大進步空間：「好多位都需要改善，好多位都未去到應有嘅強度，可能會令場戲變得平淡。以前個樣嫩啲、脹少少，依家就乾啲，多咗啲皺紋。」
等足17年才擔正做男主角，他又會否覺得遲了一點？馬貫東反而認為太早未必是好事：「唔會，要累積到咁多經驗先可以嘗試新範疇，如果太早畀我做男主角，真係唔知點算好，反而覺得咁樣幾好，因為我鍾意演戲嗰種新鮮感，冇話一定要做男一。其實任何角色都係自己做出嚟，你賦予到角色豐富嘅層次，觀眾鍾意就開心，就算冇男主角做都會繼續演。」
