張致恒賒借度日 阿Sa盼腳踏實地
以「前朋友」稱呼對方 直言：大家冇欠咗你㗎
藝人張致恒（Steven）與妻子雯雯的財困風波愈演愈烈，Steven近日受訪時承認靠賒借度日，更透露總欠債高達七位數字。蔡卓妍（阿Sa）昨日（13日）到尖沙咀出席品牌活動時被問到昔日好友欠債、身為債主之一的她首次在公開場合回應，「大家冇欠咗你㗎！」表現得非常勞氣。
當談及張致恒欠債一事，阿Sa長嘆一口氣：「哎，真係呢，真係激死人啊。」她直言當朋友需要幫忙時，只要幫到手便沒有問題，還（錢）當然好，沒還也不會「唱衰佢」，但從中可以看清一個人，「我最嬲唔係幫咗你，而係嬲其他嘢。我有啲朋友都要養妻活兒，都要好辛苦，打三、四份工。我都希望佢可以不如腳踏實地啦。」
勸對方「攝高枕頭諗清楚」
對於張致恒被爆出單期電費高達9,000多元一事，阿Sa無言以對：「我真係唔知啊！我唔知點樣可以用到啲電費咁。（係咪覺得佢死性不改，冇得救？）條路係自己行出嚟，我作為佢前朋友，我都希望佢會好嘅。希望佢啲小朋友有啲好啲嘅生活，我諗佢要攝高枕頭諗清楚。」
追問張致恒至今是否仍未還錢、當初到底借出多少金額時，阿Sa未有透露具體數字，僅感嘆道：「其實我真係直頭冇諗了。（預咗佢唔還？）我知身邊有啲朋友幾個月前都仲幫緊佢，但後尾睇新聞我仲見到佢又欠交電費、又其他，我就覺得『大家冇欠咗你㗎嘛』，啱唔啱先？但有時睇到會好心痛、好心噏。」
張致恒於2001年簽約英皇娛樂，並於2003年與關智斌（Kenny）組成男子組合Boy'z正式出道，與2000年簽約英皇的阿Sa可說是同輩師姐弟關係。張致恒2016年底約滿離開英皇，至2019年爆出桃色醜聞及多方欠債風波。
