黃澤林奪金不自滿 為奧運努力
黃澤林（Coleman）昨天由上海返港，早前在名古屋亞運成為香港史上首位亞運網球男單金牌得主，賽後已收拾行李飛往上海參賽。在上海大師賽正賽首圈因疲累而輸波，他向記者道：「亞運奪金後仲未慶祝過，好需要休息一下！」
沉澱幾天後，再談亞運金牌，他仍然覺得開心：「由細到大都憧憬亞運、奧運呢啲比賽，當然想做到最好，好開心今次真係發揮到攞咗金牌。」這面金牌對他來說，是肯定，也是提醒：「我知道自己真係可以同世界級球手切磋，甚至乎贏佢哋。下一個目標，當然希望喺ATP打得好，去到兩年後嘅奧運攞好成績。」
今屆亞運男單金牌亦為他帶來2028年洛杉磯奧運參賽資格。不過，黃澤林無法預計兩年後的自己會以什麼姿態出現。唯一可以控制的，是繼續逼自己前進：「當然希望以更高排名、更強嘅自己去奧運。我一直逼自己繼續努力，繼續低頭練，因為仲有好多嘢要學要練，相信自己仲可以繼續進步。」
