蔡母指鄺球拒賣樓威脅「殺全家」
28歲名媛蔡天鳳2023年疑遭殺害碎屍，其前夫鄺港智、前家翁鄺球、前夫兄長鄺港傑被控謀殺及阻止合法埋葬屍體罪。案件昨續由蔡天鳳母親張燕花在高院作供，指於女兒失蹤8小時後決定報警，當時已懷疑鄺港智父子捉走女兒，她在警署致電鄺港智時遭大罵：「你報警都唔話畀我知。」張稱自2022年6月蔡提出要賣加多利山單位起便與鄺球不和，對方曾動手打蔡天鳳，並威脅女兒「賣樓就殺死你」，亦曾威脅張燕花：「你夠膽（賣），我殺你全家。」
張燕花供稱2023年2月21日蔡天鳳失蹤當日，友人曾到加多利山睇樓，張之後曾與女兒通電話，直至女兒要到學校接次女放學才結束通話，成最後一次聯絡。當晚張接獲蔡天鳳現任丈夫譚方駿來電，查問蔡是否與她一起，張隨即致電女兒但未能接通，遂致電任職蔡天鳳司機的鄺港傑及鄺家其他人。
鄺港傑曾稱蔡「去咗飲酒啦，約咗朋友」，又指「話佢有事喎，突然間唔得閒……我叫我阿媽接咗（次女）返屋企」，又稱「唔使驚啦，你放心啦，佢飲醉酒，聽日會返嚟」，其後更不耐煩道：「我要瞓覺喇，唔好再打嚟」。
張燕花指女兒一向「好有交帶」且不喝酒，失蹤七八小時仍無法聯絡，而鄺港傑也無法清楚交代蔡天鳳去向，張遂相約譚方駿報警。當她在警署致電鄺港智時卻遭大罵：「你X街啦，你報警都唔話畀我知」，張反罵「我個女唔見咗，我報警關你咩事？」並質疑：「我個女唔見咗，你唔覺得唔尋常咩？係咪你同你老竇捉走咗佢？」張指鄺家對蔡天鳳失蹤一事「全家無一個關心」，當晚張沒聯絡鄺球，但曾與李瑞香（蔡天鳳前家姑）通電話，但對方完全不關心。張解釋女兒從未得罪任何人，只有跟鄺球因賣樓問題結怨，形容鄺球「要打要殺」，而鄺港智當晚接電話時則「唔想我報警，好恐怖」。
庭上睇片睹女兒最後身影嚎哭
庭上播放蔡天鳳失蹤當日前於單位內的閉路電視片段，顯示蔡天鳳開門接待客人入屋睇樓。張燕花在庭上嚎啕大哭，表示不願重看片段，法庭一度休庭待她平復情緒。張哭稱：「我唔想睇呀，我個女真係好孝順、好乖，我好後悔。佢信錯人，善良畀錯人，呢家人真係恩將仇報。」控方其後表示不會再播有關影片。
控方亦播放一段2022年的語音訊息，蔡天鳳提及曾以鄺球名義購入海南物業、一輛七人車及勞斯萊斯汽車，亦為鄺港智買手錶。張指女兒當時亦希望賣掉海南物業及汽車，與鄺球再吵架，「一路咁嗌交，阿囡想收番所有嘢。」蔡曾向母親傾訴，指鄺球是「賊老頭，我養佢個仔」、「佢唔係想嚟打我，佢真係過嚟打我」。
