鄭秀文辦簽名會 粉絲激動衝上台
天后鄭秀文（Sammi）日前於尖沙咀舉行「The ONE X 鄭秀文《Sammi 初》LP 簽名會」，為600位歌迷簽名，現場擠得水洩不通。身穿粉紅色外套配黑色長褲的Sammi，一出場便熱情向歌迷揮手打招呼，台下歌迷隨即拉起橫額燈牌與黑膠碟吶喊助威，氣氛極之熱鬧。
活動開始前，Sammi與歌迷大玩「估歌仔」小遊戲熱身，透過即場抽籤邀請四位來自各地的歌迷上台。遊戲開始前，台上其中一位女歌迷突然衝上前擁抱Sammi並感動落淚，工作人員見狀即上前解圍。
相隔8年再辦簽名會，世界各地歌迷都爭取來港見偶像，送上信件、心意卡、小手作、薯片零食和家鄉特產等。Sammi說：「記得上一次簽名會係2018年，原來隔咗咁多年！今次600個名額真係好唔夠，除咗香港嘅歌迷，仲有好多來自世界各地嘅歌迷，有啲要搭飛機、長途車，真係好感動，我會格外珍惜，會做多啲好嘅歌回饋畀佢哋。」
