萊切新援登場 作客唔怕「里」
意甲第3輪上演下游對決，第12位卡利亞里主場迎戰第14位萊切。卡利亞里開季後明顯守優於攻，至今只在衛冕冠軍國際米蘭身上失過一球，不過前線表現卻極不對辦，今夜面對同級對手欠贏波把握。萊切上輪雖大敗於羅馬腳下，但作風務實，遇強無能為力，但遇上有機會搶分的比賽表現特別出色，球隊今仗有兩名新加盟援將首度擔正，可望搶分而回，撐萊切﹝+1﹞讓球客勝。（NOW 638台周二12:30am直播）
卡利亞里首戰雖然1:0小勝帕爾馬，但苦戰至尾段才絕殺開季至今零分零入球隊伍，水準甚低；上輪對國米早段已落後並全場捱打，國米射門多達31次，只輸一球未足反映戰況；萊切上季尾至今只敗給前列勁旅，聯賽作客更已3連勝，今仗有新加盟的瑞士國腳前鋒祖爾蒙迪路、及由拖連奴借入的塞爾維亞國腳中場伊雲伊歷齊齊擔正，戰力提升。萊切近5次作客卡利亞里取得2勝2和1負成績，上季作客亦贏2:0，今夜依然有力全身而退。
