兩千金入讀名校 城城盼自在成長
馬季開鑼獻唱新曲 透露暑假全家新加坡旅遊
郭富城（城城）昨日（6日）出席馬季開鑼日活動擔任表演嘉賓，獻唱《強》和馬會年度主題曲《衝衝衝》，西裝骨骨的郭富城在台上又唱又跳，非常落力，瞬間炒熱全場氣氛。談到兩個女兒被指入讀本港著名的「IB狀元搖籃」滬江維多利亞學校，城城表示不想太高調去講，只希望她們有個清靜空間去學習，選擇這間學校因為身邊有朋友曾就讀，認為對她們發展及學習方面比較自由，沒有太大壓力。
郭富城在活動後接受訪問，有指最近太太方媛帶女兒學騎馬，他大讚女兒大寶馬術好過自己，甚至生日願望都想要一匹馬。城城提到好開心今年暑假可以放低工作，跟三個女兒一齊過，「咁多年暑假我都要工作，今年係第一年可以放低工作，一齊去新加坡玩，住嘅地方好好，屋企個泳池喺天台，呢度一打開門就係泳池，所以每日都陪佢哋游水，好享受呢段時間。」
對於兩個女兒郭詠希和郭詠萱入讀滬江維多利亞學校，劉德華的女兒劉向蕙亦是該校學生，城城坦言：「香港都係得個幾間國際學校，身邊都有朋友的孩子讀呢間，揀呢間學校是覺得比較自由，對孩子的發展學習都好，又沒有太大的學習壓力，我都不想她們只顧讀書變大近視，自由啲開心啲就好。（劉德華女兒都是讀這一間？）係囉，我都知佢個女喺呢間讀，不過佢個女比較高班，我有時見到佢同學友，大家都係傾湊女經。」
啟德演唱會設跨年倒數
被問到他於年底舉行的啟德主場館演唱會，城城透露正準備得如火如荼，雖然未知會開幾場，但當中會有跨年倒數場，相信到時會很開心與熱鬧，他預計於10月中結束內地巡演後，便會全力投入年底演唱會排練。
