佘詩曼逆齡獲讚 廣告展完美肌膚
「四屆視后」佘詩曼（阿佘）被冠以凍齡女神絕對當之無愧，難怪深得廣告商愛戴。阿佘在最新一輯廣告中，以一身高貴銀色晚裝上陣，無論肌膚及身材都狀態極佳，閃爆現場。適逢經典劇集《使徒行者》近日重播，網民再次重溫阿佘當年飾演的「釘姐」丁小嘉，並將劇中的搞笑感性的一面與新鮮出爐廣告中的自信高貴氣質作對比，紛紛留言大讚：「阿佘個樣真係冇變」「完全睇唔出相隔12 年！」
從早期的「釘姐」古靈精怪角色到如今的氣場全開，覺得自己最大的成長是什麼？阿佘表示：「最大成長應該係，我更懂得享受演每個角色嘅過程。（但好多網民都話你新代言廣告是顏值巔峰，有什麼自律秘訣才能做到？）大家太愛錫我喇！容貌一定有成長嘅，我覺得可能係唔需要太過分緊張歲數，因為每個人都有獨一無二嘅吸引地方，學懂欣賞自己每個時期就好！另外當然要自律呀，我都會做運動，亦會少食多餐，但都會食消夜，而保持心情輕鬆開心係好重要。」
