港七欖男隊 亞洲系列賽挫日本封王
中國香港男、女子七人欖球代表隊，於蘇州舉行的亞洲七人欖球系列賽首站賽事中取得佳績。港七欖男隊克服落後逆境，反勝勁敵日本隊封王，為力爭亞運3連霸打下強心針。
日本隊在今場決賽早段佔據上風，更於完半場前達陣成功先拔頭籌。不過港隊換邊後迅速調整，憑藉麥浚勇、于力仁及靴貝特接連達陣取分，以19:7反勝日本奪冠。主帥高勳表示港欖在亞運勢將成為眾矢之的，必須繼續提升自己：「雖然贏咗波，但我哋有必要努力做得更好；由依家到亞運會，其他球隊會有更多時間準備，佢哋都會衝住港隊而來，我哋必須做好準備，將表現提升到另一個層次。」
高勳還特別稱讚了主力靴貝特：「Liam 嘅表現好出色，對比賽嘅影響力顯而易見。佢係呢支球隊有史以來最優秀球員之一，我非常滿意佢喺決賽中表現，係扭轉局勢關鍵人物。」
至於港女隊在季軍戰與泰國力拚至加時賽，最終因黃金入球以12:17惜敗，屈居殿軍。
