姜濤圓夢公主抱古天樂

香港仔 P16 2026-09-01

　　古天樂一連兩場《MY FIRST SHOW》澳門站前晚（8月30日）尾場，請來汪明荃及MIRROR成員姜濤擔任表演嘉賓。姜濤和古天樂曾奪叱咤我最喜愛的男歌手，2人同台合唱《當年情》，掀起當晚高潮。

　　姜濤說：「我哋成隊MIRROR出道時，古生畀好多鼓勵我哋，每一次MIRROR演唱會或自己solo，佢都坐喺中間好嚴肅睇住我哋，壓力好大嘅。」笑言這次終於見到古天樂其他表情。

　　姜濤之後向古天樂撒嬌，「我仲有一樣嘢想講，我昨晚見偶像小豬（羅志祥）抱起你，我唔會叫你抱起我，但我想試吓抱起你」古天樂立即應承，令姜濤圓夢「公主抱」，全場尖叫拆天。