姚焯菲帶病開騷 憶嫲嫲感觸落淚
「聲夢小花」姚焯菲（Chantel）首個個人演唱會前晚（29日）假麥花臣場館圓滿結束。帶病上陣的Chantel與邀請了童年時芭蕾舞學校的小朋友一同演出，「睇到小朋友就特別想起自己細個時，好感觸，喺呢段成長路上，多謝大家一直支持，我先有勇氣去飛和追夢。」
在致謝環節中，她感謝家人的支持和照顧，當中談及嫲嫲時爆喊說：「嫲嫲嚟唔到現場，佢喺天上睇着我表演，希望佢會睇得開心。」 個唱尾場時，觀眾大叫Encore ，穿上便服的她再行上台唱出《戀愛預告》作結，還拋下震撼蛋：「12月26澳門見！」
Chantel接受訪問時，被問到是否開騷前兩周依然密集式工作才捱病？她說：「開騷前3日，先有喉嚨痛，初時仲以為唱歌太多所致，已經退咗燒，但仲有啲痰。」她稱日內飛返美國繼續升學，自感需要休息幾日，到12月再回港。
