巴利巴投曼聯 圓兒時夢
英超豪門曼聯昨晨官宣，成功收購白禮頓的22歲喀麥隆中場卡路士巴利巴。身價據報達7,000萬鎊的巴利巴表示，加盟「紅魔」是完成兒時的夢想。
與曼聯簽約至2031年、將身穿20號球衣的巴利巴在接受訪問時表示，小時候已立志加盟「紅魔」：「我選擇曼聯係因為佢係全球最大球會之一，小時候我爸爸經常同我講，大個之後一定要去大球會効力，曼聯就係佢提到嘅球會。能夠加入夢想球隊實在十分神奇。」巴利巴亦指出，深信同樣為中場出身的曼聯主帥卡域克，將可協助自己取得巨大進步。
曼聯隊長般奴費南迪斯，對這位新隊友評價甚高：「巴利巴年輕力壯，有能力運球作出突破，係令人期待嘅年輕新星。據我所知，曼聯觀察巴利巴已經長達兩年，最終完成收購絕對係好事。」
