隨曼聯U16訪港 史譚力撐卡域克
曼聯U16本月再度來港參加「賽馬會青少年足球精英匯」，將於明日和周日先後與傑志U18和港隊U16交手，「小紅魔」昨日在將軍澳足球訓練中心與港隊U16進行聯合操練，曼聯傳奇中堅史譚亦有現身指導一眾小將，並於收操後接受傳媒訪問，力撐今季坐正的主帥卡域克。
曼聯去季季中改由卡域克頂替艾摩廉出任主帥，最終英超以第3名衝線。球會早前宣布卡域克坐正主帥一職，史譚說：「卡域克係適合人選，帶領球隊強勢反彈，除咗因為球員本身有質素，亦有賴卡域克上任後改踢『433』陣式，令大家可以更舒服。不過，英超一向競爭激烈，曼聯今季能否重返榮譽仲係未知之數。」
談到荷蘭在今屆世盃互射12碼不敵摩洛哥，32強止步，曾為荷蘭上陣67場的史譚認為球隊可以做得更好：「外界並冇期望荷蘭贏到冠軍，不過佢哋前中後場都有高質素球員，部分球員甚至喺英超證明過自己，期望荷蘭打入八強並唔過分，如果國家隊搵到啱嘅教練，絕對會有一番新景象。」
