的哥疑拒開冷氣 「開唔開都$29」焫㷫女客
天氣酷熱人易躁，意見不合隨時引發爭執。近日網上就流傳一段的士車廂內部片段，一名女乘客疑不滿司機拒開冷氣，連番質問司機有否說過：「開冷氣又係29蚊，唔開冷氣都係29蚊，我梗係唔開畀你啦」。影片隨即掀起熱論，網民撐女乘客公審有理，「夏日炎炎要求開冷氣好正常」，並狠批涉事司機「呢種天氣，唔開冷氣，擺明玩嘢啦」。
有網民日前在Fb專頁「車cam L（香港群組）」發文出片，並寫道「司機話：開唔開冷氣都係$29，我就唔開畀你」。影片可聽到一把女聲連番質問司機有否說過該句說話，只見司機回應「你話係咪係囉」，又反問「你落車未啊？」女乘客氣憤說「我第一次搭的士搭到咁」，司機則回話「唔犯法咪得囉」，女乘客即破口大罵，影片亦完結。
網民爭相痛批涉事司機「短途唔高興咪玩嘢囉」、「搵得食就要開冷氣畀人啦」。根據運輸署香港的士服務指引，的士司機有責任保持車廂環境舒適，因應天氣適當地調校車廂內的空調溫度。
