沙比為球迷加操半小時
車路士昨晚在啟德主場館進行公開操練，吸引近16,000名球迷入場欣賞，領隊沙比阿朗素決定加操半小時，雖然球員稍見疲態，不過明顯對今次啟德主場館訓練體驗相當滿意。
作為季前訓練的重要一站，車路士昨晚在啟德主場館的公開訓練態度十分認真，內容涵蓋「馬騮搶球」、射門、分組對抗等多個項目，不過主力高爾彭馬則可能有輕傷在身只作單獨訓練。除了高爾彭馬及柏度尼圖外，剛停賽復出的梅迪歷、及新加盟的韋碧克亦甚受歡迎，每次觸球均引起全場歡呼喝彩。
車路士中堅艾達拉比奧約亦大讚香港球迷的熱情：「一出嚟就見到好多球迷，一直為我哋歡呼，亞洲球迷唔係好多機會現場睇車路士比賽，我哋一定會盡力貢獻一場精彩表現。」首度踏足啟德主場館的他亦對場地十分滿意：「我哋朝早喺戶外訓練，好熱好潮濕，能夠喺有冷氣嘅場地訓練感覺好好，我會畀啟德主場館滿分10分。」
