水塘排洪闖壩底打卡 行山友被轟罔顧安全
本港近月暴雨連場，個別地區更出現水浸情況。近日網上就瘋傳一段約半分鐘短片，顯示有兩名行山人士在元朗河背水塘冒險攀爬鐵欄走落壩底打卡，由於正值水塘排洪，洪水在兩人身旁傾瀉而下，期間更有人大嗌「好危險呀」企圖勸返，險象環生。大批網民留言鬧爆片中山友「討厭」，「出事又要消防豁埋條命去救」，有人甚至建議「拉佢去坐監」。
從短片所見，當時有4人身處水壩近底部位置，一男一女先後爬鐵梯落壩底，洪水緊貼男子背部暴沖而下，尾隨女子則用左手緊握鐵梯、右手張開手臂疑擺甫士拍照。期間曾傳勸阻聲，有未入鏡女子高聲道「唔好落去啦，好危險呀」，並大嗌「排緊洪㗎大佬，你哋咁樣去唔驚呀？一陣間沖咗唔知去邊啊」。鏡頭最後影向水壩下游，水急猶如激流，短片至此完結，但沒交代拍攝日期。
網民一面倒批評片中行山友罔顧安全，一旦失足被洪水沖走，恐要勞煩消防拚命相救。
漁護署呼籲遊人注意安全
不少網民難理解竟有人為求呃like以身犯險，「其實點解一定要影呢啲相……擺咗喺朋友圈嗰度會好威嘅咩」、「為咗打卡，命仔都唔要」。有人不諱言：「上面影相嗰兩個都係幫兇」，甚至建議「拉X佢坐監啦」。
漁護署回覆傳媒查詢時表示，呼籲遊人遠足時應注意安全，留意天氣狀況，切勿接近危險位置或跨越圍欄以免發生意外；並指遊人必須以自身安全考量為先，切勿為拍照或觀景而冒險。
