楊明莊思明婚禮 TVB逾百藝人到賀
司儀莊思敏口誤爆笑全場
楊明與莊思明經歷10年愛情長跑，共度無數風雨，終於修成正果，在親友的見證下正式締結良緣；前晚（2日）在馬來西亞JW萬豪酒店舉行婚禮，誠邀300位賓客出席，包括逾百位TVB藝人，陣容堪比台慶。擔任婚禮司儀的莊思敏問一對新人問題時一度口誤，引發全場爆笑。
婚禮場地特別以藍紫色調為主體，打造出如同浪漫星海般的夢幻氛圍。新郎楊明帥氣地牽着純白露肩婚紗的莊思明進場，二人全程洋溢着幸福笑容，不斷向兩旁賓客揮手致意，並在牧師與親友的祝願中交換婚戒、誓約相守一生，場面溫馨感人。
接吻近20秒閃爆
莊思明首先多謝老公楊明包容，「我知道我脾氣唔好，成日鬧你，我應承你我會盡量少啲鬧你，多啲愛錫你，同埋包容你最難頂嘅拖延症。」楊明亦真情流露，「我會照顧你一生一世，今晚多謝你畀機會我開始呢個承諾。」
兩人隨後交換戒指，並在眾人歡呼下當眾接吻3次，合共近20秒，閃爆全場！不過現場發生小插曲，擔任婚禮司儀的黃建東與莊思敏問一對新人問題時，莊思敏一度口誤，竟將合法「丈夫」講錯成「妻子」：「莊思明，你願唔願意，喺在場咁多位賓客面前見證，嫁楊明為你嘅合法妻子？」全場聞言陷入爆笑。
現場星光熠熠，圈中好友包括薛家燕、馬國明、湯洛雯、樊亦敏、李昊、霍震寰、關禮傑、羅天宇、關嘉雯、黎瑞恩、陳庭欣、樂易玲等到場祝賀，晚宴上肥媽更特別上台獻唱，以歌聲送上最真摯祝福。
