紅軍遭反勝 伊拉奧拿：輸得有價值！
利物浦昨日凌晨結束美國集訓之旅，但最後一場熱身賽不盡人意，在半場領先兩球的情況下，下半場25分鐘內狂失4球，最終反輸列斯聯。新帥伊拉奧拿上任後首嘗敗仗，他坦言比賽結果當然不理想，但仍能從中學習。
利物浦今場有域斯、阿歷山大伊沙克與賴恩格雲貝治等主力回歸，上半場憑小將張伯斯及域斯各入一球領先2:0。不過利物浦下半場換入費達歷高基艾沙、居迪斯鍾斯等副選，隨即被列斯聯反壓，其後在25分鐘內連失4球，最後以2:4落敗，充分顯示後備力量不足問題。
吞下上任後首敗的伊拉奧拿賽後表示：「我認為今場係最有價值嘅熱身賽，學到好多嘢！上半場好正面，下半場就睇到好多不足，戰果當然唔理想，但作為熱身賽就非常有用。我哋得到一啲結論，希望之後可以解決到出現咗嘅問題。」
