港男重32強惜敗 放眼亞運
比起女佩那場熱血沸騰的惜敗，男重4將的落幕則顯得沉重許多。由何瑋桁、方凱申、吳浩天和劉昊峯組成的男重港隊，昨天挾亞錦賽銅牌之姿在世錦團體賽32強登場，初段領先下在中段遭烏茲別克斯坦反超，最終以30:45憾負，無緣16強。
賽後隊員坦言未能完全放開打法，但主將何瑋桁並未氣餒，更被現場熱情的觀眾打動：「今日見到咁多市民同小朋友支持，係我繼續進步嘅動力。呢次輸咗唔緊要，下次贏番嚟！我哋今季兩度打入世界賽八強，亞錦賽都攞到團體第3，絕對唔失禮。」
個人賽創下32強最佳成績的吳浩天強調不能因單場失利丟失軍心：「季尾我搵番好嘅方向，跟住放完假就要全力去衝亞運同奧運周期。」大師兄方凱申則將跌一跤視為重新出發的契機：「希望呢個『谷底』可以再次鞭策自己，沉澱後重新出發，喺亞運將最好狀態交出嚟，一齊站上最高頒獎台。」劉昊峯亦堅信失利不代表己隊實力不濟，對9月亞運仍具信心。
