沙比難簽舊部格列沙加
英超富豪球會車路士在上季結束後，聘得前利華古遜及皇馬主帥沙比阿朗素（右）領軍，儘管在今夏已花費逾2.4億鎊增兵。不過沙比對他的利華古遜舊部格列沙加（左）仍念念不忘，可惜格列沙加所屬球會新特蘭堅拒放人。
沙比阿朗素於2023/24球季，帶領利華古遜與當時隊長格列沙加攜手，贏得德甲及德國盃雙料冠軍，當沙比去季離隊轉投皇馬後，格列沙加亦以1,300萬鎊轉會費，由利華古遜改投英超新特蘭。沙比上任車路士後，立即向會方建議簽入格列沙加，並首次報價800萬鎊，希望與這名已屆33歲的瑞士國家隊隊長再度合作。
不過，新特蘭班主勒布里斯立即回絕：「唔係價錢問題，我同格列沙加傾過，佢已經與新特蘭球迷建立起深厚感情，樂於繼續做我哋隊長，參與所有未來計劃。沙比阿朗素嘅夢應該發完，呢件事告一段落，我哋同格列沙加仲有兩年合約，無論任何報價都唔會放人！」
