重劍雙子 主場報喜
世錦賽次天 女佩薛雅齊突圍
「世界劍擊錦標賽2026」昨於亞洲國際博覽館續演次天賽事。男子重劍及女子佩劍資格賽戰況激烈，港隊男重4將分頭出擊，最終吳浩天與何瑋桁在淘汰賽連勝兩關闖入正賽；女佩20歲小將薛雅齊（Summer）亦成功突圍，3人強勢殺入周日64強正賽。
場內打氣聲此起彼落，無疑成為港將在關鍵時刻挺過難關的最強後盾。昨日男重資格賽過程相當艱鉅，方凱申、吳浩天、何瑋桁及劉昊峯在小組賽均未能直接晉級，必須轉戰淘汰賽爭正賽資格。首場淘汰賽以15:14險勝瑞典劍手Ian Backstrom的吳浩天，坦言若非全場觀眾的加油聲，自己未必能撐過難關：「第一場打得好緊，觀眾打氣一定有加持。上次感受到主場威力已經係2017年亞錦賽，如果冇觀眾用廣東話叫『加油、頂住』，我諗真係未必過得到。」
從小組賽打到正賽，吳浩天笑着說：「多謝咁多人入場睇我哋，主場爭到入正賽好Proud！你哋嘅支持係有回報嘅，我哋正在努力，今日終於報答到大家。」吳浩天坦言經歷今季辛苦訓練，對於周日正賽，不再給自己設限：「好似今日咁搏到盡就可以啦，我唔會再講想有乜嘢目標，我想要成績，但我覺得依家更想享受比賽。打到自己要打嘅，對得住自己就得！」
廣東話打氣 贏得特別爽
另一邊廂，何瑋桁在小組賽失利一度信心動搖，但及時調整心態後，淘汰賽面對強敵連過兩關。剛好與吳浩天在相鄰線道比賽，令他體會到主場歡呼帶來的震懾力：「平時喺外國比賽，往往幾十個法國或意大利球迷圍住對手打氣；今次完全相反，係我哋香港人圍住，用廣東話去喊對面，成個感覺真係好正，贏得特別爽。希望可以繼續乘勝追擊，喺正賽打得更好。」
女佩方面，20歲小將薛雅齊表現亮眼，小組賽取得5勝1負，隨後在淘汰賽以 15:10 擊敗波蘭劍手 Wieckiewicz Maria，成為女佩唯一闖進正賽的港將。Summer賽後笑言：「喺主場打超級緊張！但好幸運能夠將壓力轉化為動力，成功達到目標，真係好滿意。」
