曾比特新歌MV 途人亂入爆笑
曾比特（Mike）的新歌《你所打的號碼暫時未能接通》MV找來同門師妹劉紜蔚（Vivian）擔任女主角，二人於電梯中有場甜蜜對手戲，不過拍攝期間被途人亂入，甜蜜戲份頓變笑場。
Mike大爆MV中最難忘的一幕是在電梯內拍攝，劇情中，Vivian要拉Mike到她面前，做出類似快將接吻的動作。怎料其中一take，二人剛拉在一起時，𨋢門突然應聲打開，𨋢外兩位途人雖見到他們正在拍攝，但照樣一齊搭𨋢，最搞笑是途人全程冇停口，其中一人望着Mike不停讚他靚仔，搞到Mike哭笑不得。
熱愛講「爛gag」聞名的Mike在新歌出爐後，於社交平台自言「思考歌詞入邊嘅爛gag嘅能力退步咗，所以依家決定希望畀自己行返型男路線、靚佬路線。」Mike還透露稍後將錄製一首自己有份參與填詞作曲的新歌，不過近兩個月身體狀態未如理想，產量減少，希望之後調理好身體後，可以追回寫歌的速度。
