男花新星何承謙 全勝闖正賽
世界劍擊錦標賽 主場響頭炮
「嘉里世界劍擊錦標賽2026」昨日於亞洲國際博覽館掀起戰幔，主場出擊的香港劍擊隊首日由男子花劍及女子重劍隊出戰個人資格賽。年僅17歲的男花新星何承謙（細孖）迎來世錦賽「地標戰」，在小組預賽展現強勢，以6戰全勝的姿態直入64強正賽，周六將與師兄張家朗、蔡俊彥一同登場。
近年屢奪獎牌的男子花劍港隊，今屆世錦賽主場強陣出擊。奧運兩金得主張家朗與力爭衛冕的世界冠軍蔡俊彥，以世界排名直入周六正賽；名古屋亞運代表梁千雨和何承謙昨日率先在個人資格賽亮相。
去年轉為全職運動員的何承謙，今季狀態大勇。除了在少年組勇奪雙料世界冠軍外，越級挑戰成年組賽事更令人眼前一亮，從開季的「無排名」一路飆升至現時世界排名第27位。
視世錦賽為僅次於奧運的大型賽事，年僅17歲的「細孖」笑言賽前難免緊張，甚至在比賽前夕徹夜難眠：「尋晚3點鐘都瞓唔着，今日6點就要起身，所以其實我依家應該要返去瞓覺啦。世錦賽係每年最重要比賽，但除咗尋晚好緊張之外，今日落場打嘅時候，其實同平時比賽並無分別。」他透露，能快速調整心情，全靠教練賽前一個月的「輔導」：「教練叫我當普通比賽去打，唔好諗住係大賽，結果證明呢個心態係啱嘅！」
梁千雨惜負轉戰團體賽
雖然預賽6戰全勝直入正賽，但在這名世少冠軍眼中，自己的發揮仍有提升空間：「成績係滿意，但表現一般。有啲分因為緊張而手緊失咗，呢啲位置做得唔太好，但好慶幸自己把握到贏嘅機會。」突破預賽後，何承謙將於周六出戰64強正賽。面對更高舞台，他依然選擇保持平常心，不給自己設定具體目標：「呢次世錦賽我最想好好『享受』，享受喺香港主場打大型比賽嘅感覺。入到正賽當然想贏，今年打成人賽成績都唔錯，我會用番之前嘅心態，純粹想打好每一場。」
另一男花港將梁千雨在資格賽6戰3勝3負，出線128強淘汰賽以15:10擊退埃及劍手，惜隨後以11:15遭法國好手薛度反勝，無緣正賽，將於28日男花團體賽再度登場。
