房署出警告信追1蚊租 網民爭相代繳勁搞笑
有公屋住戶日前在社交平台發帖，自爆竟因欠租一蚊而收到房屋署的欠租通知警告信，讓他大感錯愕，求教近期是否曾經加租。帖文廣受網民關注，不少人對此難以理解，甚至懷疑是詐騙個資新手法，部分網民則盡顯幽默本色，覷見樓主忘記將轉數快二維碼打格，竟爭相代繳欠租以助渡過「短暫經濟困難」，令人忍俊不禁。
樓主在Threads上載欠租通知並大呻「係咪加咗一蚊租我唔知？或者係四捨五入？」，不知「笑定喊好」。從欠租通知所見，樓主仍有一元租金未繳交，故促留意「根據你與香港房屋委員會簽訂的租約，你必須於每月的首日繳交上期租金。」
網民對房署力追一元欠租議論紛紛，「出呢封信都唔止1蚊」、「搞笑，好嘥紙」，不少人則笑謔「$1咁大件事呀，聯合國點講」、「咁大條數，建議申請老破（破產﹚」，有搞笑的網民發現樓主未有遮掩交租用的二維碼，竟爭相代繳欠租，「幫你交咗一蚊，唔使多謝」，有人更上載過賬截圖並留言「唔使客氣」、「要幫手出聲」，由於「善長」眾多，有網民笑稱「樓主下個月唔使交租」。
倡申自動轉賬免煩惱
不過樓主原來並非孤例，多名過來人也現身圍爐，「我都係收到呢張，都係欠1蚊」、「同你一樣，欠$1」。有網民就嘗試解釋，「今年有兩季各$500差餉寬免，一季有三個月，$500除3，一個月減$166，有兩個月減$167，樓主應該係一時自己無為意」，猜測其習慣照交上月金額，因而少交一蚊出事。
有網民建議直接將一元欠租撥往下月收取，便能省下紙、墨、人手等行政成本，但有人反駁指這是公共資源管理的必要法定程序，「程序上嘅嘢係冇情講，就好似申請公屋超額一毫子都當超！」有網民則提議可申請自動轉賬交租即免煩惱。
