許志安罕談梅姐 揭「老鼠安」由來
TVB娛樂訪談節目《一周星星》最新一集請來入行40年的許志安（安仔）擔任嘉賓，為10月份在紅館舉行的演唱會宣傳。安仔罕有提到與師傅梅艷芳（梅姐）有多首合唱歌，如《將冰山劈開》、《女人之苦》等，安仔又剖白兩人相處之道：「同佢傾心靈上面嘅嘢多過實質嘅嘢」，指二人經常交流做人道理，關係亦師亦友。
安仔又透露當年替方力申錄唱歌曲《好心好報》及同著名音樂人雷頌德（Mark）合作《世紀未煙花》難忘事。一如以往，在「你問我答」環節中，安仔多名圈中好友隔空亮相分享趣事。其中一位就是胡杏兒，安仔回憶起合作拍攝《肥田囍事》難忘經歷，直言不諱當時拍攝時間長，預知自己會「病倒」不能開工：「攰到我知道聽日會病，我同杏兒講『我聽日病唔會返』真係頂唔住。」安仔隨即補鑊不應該教人「冧廠」，非常好笑。節目中安仔還親揭花名「老鼠安」真正由來。
