麥巴比：未能做好自己
賽前被稍看好的法國隊，表現完全被西班牙壓制，法軍王牌麥巴比亦錯失了連續3屆帶隊殺入決賽、及第2度捧世界盃機會。不過這位皇家馬德里球星賽後卻沒有顯得不服氣，直言自己和隊友均未能發揮應有水平。
麥巴比賽後大讚西班牙的演出：「無論戰術、技術、整體發揮，我哋都踢唔出自己想要嘅表現。喺呢啲大戰，如果你未能做好自己，就肯定贏唔到。相反，西班牙堅持執行佢哋嘅戰術，全場都掌控比賽節奏，表現明顯勝我哋一籌，我哋技術失誤太多，亦搵唔到辦法為對手製造麻煩。」雖然無緣爭冠，但麥巴比揚言他們仍會努力踢好季軍戰：「我哋必須昂首挺胸去面對呢一刻，盡快振作，好好休息，從呢次失敗中吸取教訓，將失利拋諸腦後，去邁阿密參加季軍戰。」
下半場後備入替的卓基亦同意法國值得落敗：「我哋喺戰術上完敗，開始時我唔覺西班牙高出一籌，但當我落場後，就發現佢哋傳控做得好好，掌控節奏踢出佢哋想踢嘅足球，令我哋失去咗方向。」
