交棒施丹前 迪甘斯留憾謝幕
迪甘斯將於今屆世界盃完結後卸任法國隊主帥一職，現時僅剩下一場季軍戰，無奈留憾謝幕。
法國今場去到82分鐘，才有第一次中目標攻門，主帥迪甘斯賽後認為己隊表現失常：「我哋發揮唔到之前幾場嘅水準，技術失誤亦更多，吓吓都慢人一步。對方預判到我哋嘅傳球方向，從而輕鬆作出攔截。法國搵唔到破解方法，部分責任喺我哋自己身上，但同時亦必須讚賞西班牙，我哋根本踢唔到自己風格。」
在本屆世界盃結束後，迪甘斯將離任法國隊主帥一職，迪甘斯自2012年7月接手法國國家隊，期間帶隊征戰4屆世界盃、3屆歐國盃及兩屆歐國聯，並拿到兩座冠軍獎盃（2018世界盃及2021歐國聯）。在迪甘斯卸任後，施丹將會接手「高盧雄雞」，據報施丹與法國足總已經達成協議，只待官宣。
