超市收舖驚變老鼠樂園 大搖大擺搵食嚇壞網民
連鎖店舖或食肆鼠蹤頻現問題備受公眾關注。近日再有網民於社交平台上載多條短片，直擊紅磡一間連鎖超市內有「一家大細」老鼠在貨架及生果區穿梭，更疑似咬食生果，引發網民熱議，齊轟「恐怖」，狠批店內衞生情況難接受，促報「1823」跟進。超市方面其後亦留言回應，指非常重視「店舖環境衞生同食品安全」，已第一時間聯同專業滅鼠公司到場進行全面清潔及消毒，冀平息眾怒。
樓主在Threads發帖提到，深夜時分行經紅磡一間超市，赫然發現「入邊啲老鼠大搖大擺揀生果食。一家大細揀完薯片揀冬瓜，再揀橙同埋菠蘿香蕉，場面好震撼，唔講以為XX係佢哋屋企」樓主在店外透過玻璃所見，估計老鼠數目不止兩隻，擔心「公公婆婆小朋友食咗會出事」，希望超市能翻查閉路電視了解情況，再跟進「搞搞衞生」。
網民對有老鼠家族在超市橫行深表震驚，鬧爆衞生情況「好X恐怖」、「（老鼠）晚晚豐衣足食」；有街坊更指「每次入呢間舖都好大浸老鼠尿味，特別係麵包區，直程有啲老鼠屎喺個架度」、「成條黃埔街同紅磡12點後都係老鼠」；不少人都表示憂慮：「好多老人真係唔洗就食啲生果」、「成間啲嘢可以唔使要，咬一咬，都有病毒」，甚至建議：「麻煩直接報1823」。
超市指已聯同滅鼠公司清潔消毒
涉事超市官方賬號其後亦留言回應網民疑慮，指知悉事後已第一時間聯同專業滅鼠公司到場處理，並棄置受影響食材，以完成全面清潔及消毒工作；同時亦已進一步加強店內蟲鼠防治措施，將持續加密巡查及監察，盡力減低同類情況再次發生。
