陳肇鈞談世盃 超預期就係冠軍
港足代表陳肇鈞及隊友安永佳昨日出席銀行活動，與十多名小朋友互動玩遊戲。其中陳肇鈞於今屆世界盃期間為本地電視台擔任客席評述嘉賓，他認為並非只有最終勝利者才是冠軍。
今屆世界盃新增了不少新元素，例如上下半場各有一節「Water break」及「掩口令」，陳肇鈞指從球迷角度來看，需要慢慢接受新事物，而這些球例都是用來保護球員：「例如『掩口令』，可能球員真係講咗一啲唔應該講嘅說話，另外其實天氣炎熱確實需要飲水時間，氣溫去到30幾度根本唔應該不停比賽，一個高水平比賽就需要有呢啲條例。」
談到今屆世界盃最難忘的一場比賽，陳肇鈞直言必定是阿根廷對佛得角的32強賽事：「佛得角逼到阿根廷要打加時，我唔覺得呢個世界盃只有一隊冠軍，有啲國家隊衝破咗自己預期目標，創造咗好多勵志故事，佢哋都係我心目中嘅冠軍。」陳肇鈞指擔任世界盃客席評述係好體驗：「一開始唔知道幾時要『講嘢』，依家就可以隨心去講，甚至可以將自己比賽經驗放入要評述嘅球賽當中。」
