逼巴士誤嘟多次車資 引過來人圍爐齊訴苦
早晚時段逼巴士上下班已成不少市民的日常，有女乘客近日就在社交平台分享一則趣事，提及某日放工擠上一班客滿巴士並站在車頭位置，因巴士落斜一時站不穩，手機意外貼近身旁八達通機而被「嘟」多一次扣數，還被車長追問為何要多付一次車資，尷尬非常。帖文兩日勁吸逾74萬人瀏覽，網民紛紛勁讚搞笑，「Sorrrr喺條街忍唔住大笑咗出嚟」，還引出大批過來人分享類似的「失財」經歷，合力炮製出爆紅的「警世之作」。
樓主近日在Threads發文，憶述放工搭巴士因車廂爆滿只好站在八達通機前面，正當專心玩手機時，巴士駛至屯門公路落斜位，「一時企唔穩個人向前搖一搖，咁啱部手機就嘟到部八達通機」，司機見狀大感錯愕，追問「點解要畀多次錢」。從自拍相片顯示，樓主用手握着扶手站在車頭位置，屏幕則顯示車資為9.7元。
網民自爆一程車被扣3次錢
帖文引發網民熱議，大多覺得勁惹笑，「笑到我眼淚水都標埋」、「我笑到傻X咗」、「企位都畀2次錢」、「多謝你畀多9.7，令我睇留言睇到會心微笑」、「司機幾fun」。亦有多位過來人爭相分享慘痛經歷，「我都試過……仲要係架車滿晒人好靜嘅返工時間『嘟』…我尷到」、「個袋有另一張八達通，轉彎fing咗埋去又拍埋」，「我試過同一程車3次，嗰陣仲係學生嚟，覺得好肉赤」。
此外就連前巴士車長亦趁熱鬧留言，坦言這其實是「多人到頂閘時嘅日常」，指常有乘客的手錶、掛在胸前的八達通或手機不小心碰到卡機而被扣數。有現職員工更自爆曾因巴士收油向前衝被誤嘟44元車資，被同事不停取笑。
根據巴士公司官網資料，乘客若被多收車資應立即記錄路線編號、上車地點時間及車牌等乘車資料，並聯絡顧客服務部登記及提出退款申請。
