夏蘭特：挪威正創造歷史！
相隔28年重返決賽周的挪威，昨晨憑安東尼奧努沙與神鋒夏蘭特各建一功，以2:1力克科特迪瓦，殺入16強。下周一將與5屆冠軍巴西隊爭入八強。
上仗輪休的夏蘭特與馬田奧迪加特回歸。39分鐘，奧迪加特策動攻勢，安東尼奧努沙禁區內射入死角，助挪威半場領先。換邊後，阿密特迪亞路74分鐘為科特迪瓦扳平1:1。86分鐘，柏德列貝治禁區內橫傳，夏蘭特輕鬆射入空門，助挪威最終晉級。
今屆入球已增至5個的夏蘭特，賽後被問到絕殺一刻的心情時，盡顯幽默本色：「當時我已經攰到行唔到，個心諗：『唔想踢加時，依家就必須要入波!』」開玩笑後，夏蘭特續說：「呢場勝仗對挪威全國意義深遠，國民嘅空前團結令人動容，我哋正在創歷史！」至於下場對巴西勝算，夏蘭特又笑說：「非常少！不過可以喺16強對巴西，本身就已經太瘋狂啦！依家我哋只想好好享受勝利一刻，無論點，今次肯定係一趟不可思議嘅旅程。」
