港鐵女客獨力運床褥 誇張猶如AI相掀熱議
搭港鐵攜帶物件設有體積限制，但不時有乘客公然挑戰相關附例。近日網上流傳兩張相片，顯示有女乘客獨力搬運一張巨型床褥搭港鐵。相片經多人在不同社交平台轉載惹網民嘩然，紛紛追問「咁大張點入到閘？」又揶揄相中人「都幾好力」、「相當本事」，亦有不少網民覺得太誇張，質疑是AI生成圖，但有目擊者卻聲稱當日曾見到該女乘客一個人搬床褥「推吓停吓」，孰真孰假引發熱議。
近日在多個Fb群組及Threads的平台上，均有人上載該兩張相片並留言指：「咁都可以入到閘？！」「咁大張床褥居然無職員發現」、「一個女人可以搬到張床褥去搭港鐵，女人真係撐起半邊天」。相片可見穿黑裙女子身處港鐵將軍澳站月台，單人匹馬扶着巨型床褥等候列車。
多名網民聲稱是目擊者
一眾網民對相中人能獨自在港鐵範圍搬運床褥嘖嘖稱奇，「其實6呎乘4呎雙人床褥係好重，點解一個咁矮嘅女仔可以搬得到？」「力壯如牛，氣拔山河」、「啲職員去晒邊度？」「真的不能更癲！ 港鐵職員真的大發慈悲！」但亦有不少網民直指是AI相片，質疑如此猖獗難逃職員法眼。
不過多名網民均自稱是目擊者，「我今早都見到佢係自己一個人推，推吓停吓，床褥完全冇包裝，幫港鐵抹地」、「今朝我做完運動見佢仲有個男人幫手㗎」，有網民追問meta.ai，亦獲回覆「呢2張圖唔似AI，真實相機會大啲」並解釋「睇細節：燈光影、月台路線牌、其他乘客、床褥質地摺痕、倒影都自然一致，冇AI常見嘅手指變形、文字亂碼、背景融化問題。」
根據港鐵《香港鐵路附例》的運載行李條件，每名乘客只可攜帶1件長闊高總和不超過170厘米、且任何一邊長度不超過130厘米的行李。違者可被拒絕入站或被罰款檢控。
