哥倫比亞右閘爆發 蒙路斯連場建功
另一場K組第2輪，哥倫比亞憑右閘丹尼爾蒙路斯入球，以1:0擊敗剛果民主共和國，兩戰全勝的哥倫比亞雖然已提早出線，但在最後一輪面對葡萄牙，仍需要最低限度和波才可以保住首名資格。
効力英超水晶宮、現年30歲的丹尼爾蒙路斯，司職右閘但技術與速度兼備，多年來都以擅長助攻甚至殺入對手禁區攻門見稱。他在首輪分組賽對烏茲別克，已於上半場40分鐘為球隊先開紀錄，結果哥倫比亞贏3:1。
今仗哥軍在上半場已多達14次射門，當中6次中目標，但始終未能將皮球放入網窩。直至75分鐘，終於又靠蒙路斯殺上助攻，於禁區右路起腳一箭定江山，擊敗剛果民主共和國取得連勝。蒙路斯除入球外，今仗亦連番取得埋門機會，包括上半場窄位補射空門不入，但仍足夠當選今場最佳球員。
