華星三寶雞啄唔斷 憶述齊跳鳳陽花鼓
陳奕迅爆楊千嬅當年早出晚歸最慘
為慶祝「華星唱片」成立55周年開設的「星塵55」頻道，新一集邀來昔日「華星三寶」陳奕迅（Eason）、楊千嬅與梁漢文（梁炳），細數當年成長點滴，三人一碰面即雞啄唔斷，更回憶三人齊跳鳳陽花鼓，又爆梁炳最愛在保姆車食嘢。
三人年紀相若，當年經常一起出席活動，因而被高層吳雨笑封為「華星三寶」。三人憶述，首次碰面是在1995年Eason和千嬅「新秀」比賽的慶功派對，同場還有師兄師姐許志安和鄭秀文等，十分熱鬧。
三人又指，之後因常共乘公司的保姆車跑通告而成為「同『車』密友」，Eason說：「千嬅最慘，因為佢自己化妝要早兩個鐘起身，公司車第一個接佢，再去接梁漢文，最後過海接我，因為『華星』喺灣仔。收工就放低我先，千嬅最後才落車，返去仲要落妝，即係最遲休息，好慘。」千嬅笑說：「嗰陣唔會諗蝕底，覺得有得做就好好。」Eason再爆料：「梁漢文出名鍾意喺保姆車食嘢，而杯奶茶就算落糖、攪拌都唔會倒瀉，好高技巧。」
梁漢文回應不和傳聞
談到當年醞釀了《大激想》的三人合輯，千嬅說：「我哋好勁㗎，乜嘢舞都識跳，鳳陽花鼓都跳過，不過依家啲關節唔係好掂，跳唔到。」Eason和梁漢文指最難忘的是拍《大激想》廣告當晚，翻雜誌時竟看到寫他們「不和」，覺得荒謬又好笑。梁漢文指華星像一所音樂學校，有系統地透過新秀發掘人才，多年來為歌手締造經典，也維繫了深厚友誼。
