失意女街頭爆喊遇暖男 獲遞紙巾送水感動全網
一名失意女子近日在社交平台Threads發帖，分享日前在又一城附近街頭爆喊，幸獲陌生暖男特意買來紙巾及樽裝水從旁安慰，更留下一句暖心話，提到自己「都曾經俾人咁樣幫助過，咩事都會過去」，令她心存感激，「我以後一定會咁樣幫番其他人」。網民大受帖文感動，紛紛留言幫樓主打氣，又讚陌生男「好Warm」、「觀察力勁，反應快行動力高」，坦言「香港真係好有愛！」。
帖文內附一張影有樽裝蒸餾水和紙巾的相片，並寫道：「好愛香港人。遇到不愉快喺又一城附近忍唔住喊，有個男仔特登買紙巾同水畀我，好多謝你，我真係冇事。」樓主續稱暖男還出言安慰她：「你話你都曾經俾人咁樣幫助過，咩事都會過去。多謝你，我以後一定會咁樣幫番其他人，真係好多謝你。」
大批網民受這股正能量感動，爭相鼓勵樓主：「喊完抹乾眼淚再飲啖水，咩都會過去的！加油！」、「證明素未謀面嘅人都好關心你㗎。喊完就重新開始！」、「支水好有意思『We care』（我們都在乎），you are not alone（你並不孤單）」。網民對陌生男的暖心舉動更讚不絕口，「香港仲有好多天使」、「以生命影響生命」、「感恩睇到好人好事」。
網民分享經歷 證香港好人多
不少網民更留言分享遇過的暖心經歷，力證香港人外冷內熱的窩心一面，「當年失戀坐喺公園喊，有位先生遞咗包紙巾畀我，好感動」、「我都試過，喺一間拉麵店同緊阿女嗌交，個店長送咗杯嘢飲畀我哋兩個，我喊咗出嚟，好感動」，該網民指店長非但沒怪責影響到其他客人，還用行動安撫他們，直言「其實香港好多（人）都好好人」。
