耶馬擔正即生猛 狂牛炒沙特
首輪比賽意外悶和佛得角的「狂牛」西班牙，昨晨H組次輪比賽有超新星拉明耶馬復任正選，終以4:0輕取沙特阿拉伯，打開今屆分組賽勝利之門。
首戰進攻表現呆滯的西班牙，在耶馬復出下演出判若兩隊。開賽僅10分鐘，耶馬便接應奧耶沙巴爾傳中於遠柱撞射入網，領先後的西班牙未有放慢腳步，皇家蘇斯達前鋒奧耶沙巴爾，在21分鐘和24分鐘接連建功，將比數拋離至3:0。在大幅領先下，主帥富安迪半場收起拉明耶馬及奧耶沙巴爾，但球隊仍於49分鐘藉對手「擺烏龍」，贏到4:0完場。
富安迪在釋放壓力後，立即向首輪賽後批評球隊的人作出反擊：「作為有勇氣嘅人，面對唔合理批評必須反擊，並要設法證明對方嘅錯。我認為批評係可以嘅，但言論必須合理，質疑一支已連續多場保持不敗球隊，實在有啲荒謬。無論如何，呢啲批評只會令我哋激發起鬥志同狀態，唔會帶嚟負面影響。」
