否認咀戲伸脷 戴志偉斥損聲譽
入行超過40年的TVB資深演員戴志偉，早前被林漪娸（Eyvonne）在電台節目中，大爆當年拍咀戲時遭戴志偉「加料」伸脷，事件引來網民熱議。沉寂半個月後，戴志偉日前在同一個節目中親自開腔解畫，逐點反駁之餘，更直言：「影響我聲譽。」
戴志偉表示與林漪娸是朋友，經常一起打高爾夫球，以為對方只是戲言，但隨着事件在媒體及社交網絡發酵，情況一發不可收拾。戴志偉語帶無奈地說：「連我太太都問我，影響我聲譽，啲客戶都打電話問我……我喺TVB做咗幾十年，冇遲到早退，冇俾人bad mouth（講壞話），更加冇被人投訴過，我唔想有個污點。」
他詳細憶述1989年拍攝《他來自江湖》第15集那場咀戲，指出整場接吻戲共約10秒，但真正兩人嘴唇接觸的時間不超過兩秒鐘，戴志偉反問：「嗰兩秒鐘做到啲咩？點樣強行遞條脷過去？」他強調根本沒有時間做任何「多餘」動作。
