蔡思貝事業心重 落閘勸退追求者
藝人蔡思貝、女團IdG Bubbles的小倬、夢月和Kaluen昨日（11日）現身商場舉行的世界盃宣傳活動，蔡思貝表示因父親是足球迷，小時陪爸爸凌晨起身睇波，長大後都愛跟朋友趁熱鬧睇波，自從拍攝周星馳電影《女足》後對足球更有興趣。除了鍾意睇靚仔球星，認為足球賽事就好像一場戲，好多奇迹發生非常神奇。
被問到感情事，她表示睇世界盃已經好開心，強調目前只想一心發展事業，不心急拍拖，（有冇追求者？）她笑言：「可能有，又可能冇，唔知，總之一一落閘，男仔睇完呢個訪問後唔好追我，事業行先。」
父親節將至，她稱想買簽名球衣送爸爸做父親節禮物，笑言代替飛美加及墨西哥睇波，可以慳回不少。自從離開無綫回復自由身後，思貝開始自己同客人開會接工作，透露下半年會為音樂劇綵排和開拍新戲，所以趁未開工前可以全力睇波。港姐出身的她也有留意今屆港姐面試，並給參賽者送上加油打氣。
