健康睇世盃 蔬果取代零食
2026年世界盃足球賽即將開鑼！今屆好多比賽都是在香港時間深夜或者清晨舉行，所以衞生署特別向市民發出健康「睇波攻略」，提醒球迷熬夜觀賞賽事要同時守護身體健康。
1. 充足睡眠同適量運動。睡眠不足會削弱個人免疫力，容易病和受傷。球迷觀賞球賽之餘，應盡量參與各項體育活動，親身感受運動同體育競技的樂趣。球迷在觀賞賽事期間，應盡量定時伸展或走動，可考慮一路睇比賽一路原地踏步。每日步行一萬步，增加日常體能活動量，有助維持健康體重。
2. 均衡飲食。為健康着想，大家睇比賽時應選擇較健康的小食，例如焗薯片、焗番薯片、無添加鹽糖的原味焗果仁，及低脂爆谷等，並控制其分量。亦可選擇以蔬果取代零食，實踐「日日2+3」（每日最少進食2份水果及3份蔬菜），以攝取足夠膳食纖維、維生素同礦物質，有助預防慢性疾病。飲品方面，應選擇無糖或低糖飲品，取代高糖飲品。
3. 遠離煙酒。觀賞足球比賽時應避免飲酒，選擇無酒精飲品。同時食煙及二手煙都對健康有害，大家應遠離煙草，並勸勉家人同朋友戒煙。
4. 家庭同樂。家長可以在周末或假期，陪同子女一齊睇賽事或重播，支持喜愛的球隊，不單止可以紓緩日常生活壓力，亦有助促進家人之間的互動同情感交流，進一步鞏固良好的家庭關係。
