吳卓羲有個綜藝夢 辦美男廚房鬥一番
邀林峯Bosco聯手主持
藝人吳卓羲近日假珠海舉行《與你繼續同行音樂會》，邀得任賢齊（小齊）擔任嘉賓，小齊還即興改歌詞：「對面的女孩看過來，看過來，看過來，卓羲的表演很精彩。」卓羲期間透露自己一直有個綜藝夢，希望集一眾型男開辦《美男廚房》節目，邀請好兄弟黃宗澤（Bosco）及林峯做主持，台下觀眾大叫表示非常期待，逗得卓羲做出不同的心心手勢回應。
當晚小齊一上台，便與卓羲合唱《對面的女孩看過來》及《我是一隻魚》，台下觀眾聽得如痴如醉，而本月23日是小齊的生日，卓羲十分貼心， 送上蛋糕為小齊提早慶生。
笑馬國明最叻寵妻
期間，卓羲透露有個綜藝夢：「如果我哋香港做一個《美男廚房》，我同Bosco做主持，好唔好？林峯做個客席主持，我哋一齊喺網上發表吓促成呢件事好唔好？仲想請邊個呢？請張智霖、小齊哥、小春哥，仲有周柏豪、苗僑偉。」台下大叫：「馬國明」，他聞言即說：「但我唔知佢識唔識煮嘢食，佢依家最叻係咩？寵妻吖嘛！」
卓羲直言跟Bosco及林峯是好好朋友，很想3兄弟合作拍節目：「同佢哋好好朋友，一星期見4、5次，但我哋係冇嘢講，因為喺健身房入面，希望盡快有個屬於吳卓羲嘅綜藝節目。」而當他唱出其主演劇集《團圓》的同名主題曲時，他提起劇中的拍檔徐子珊，指最近社交網有不少他與徐子珊的片段，不知道該劇是否重播。另外，他又獻唱《別怪她》、《春日》、《別人問起》及《紅蝴蝶》等經典歌曲，並做出不同的心心手勢，非常寵粉！
