英格蘭交行貨 陪練小將做MVP
昨晨另一場矚目熱身賽，英格蘭遭遇新西蘭，兩軍實力雖然強弱懸殊，但英格蘭眾將明顯未盡全力，在比賽中交行貨就住來踢，避免受傷之餘也避免在酷熱下消耗體力，結果全場雖佔上風，但具威脅埋門寥寥無幾，只在上半場補時階段，憑王牌中鋒哈利卡尼頭槌打破悶局，英格蘭最終亦以1:0小勝。
英軍主帥杜曹在半場休息後，一口氣更換全部11名球員。面對一味主守的新西蘭，雖然未能增添紀錄，但後備入替的17歲利物浦新星安古莫夏在邊路表現活躍，賽後並當選全場最佳球員。但諷刺的是，他今次只是英軍的陪練球員，並未列入26人決賽周大軍名單。杜曹賽後說：「上半場比賽並未按照我哋計劃進行，比賽節奏明顯俾新西蘭拖慢咗，不過下半場形勢同表現都有所好轉。我哋一批球員已經有大約半年未一齊合作，咁嘅表現在預期中，我相信球隊之後嘅狀態一定會得到提升！」
