籌劃50歲退休 吳若希欲試新歌路
剛踏入34歲的吳若希（Jinny）現時唱歌、演戲事業發展順暢，更是演唱會主辦商的首選歌手，經常有機會舉行各地巡唱及商演機會，但她日前接受訪問時，卻透露已開始籌劃退休計劃，她表示：「我希望50歲可以退休，即係仲有16年時間畀我拚搏，希望喺嚟緊嘅10幾年裏面，我可以做到我想做，或者做到想帶出嘅訊息啦，譬如想試吓唱R&B、小調或者Pop Rock嘅歌，角色就想試吓做紀律部隊。」
問她50歲就退休可會太早？Jinny就稱想年輕到處遊玩，她自言出身普通家庭，第一份工是求學時兼職做捲棉花糖，之後就投身娛樂圈，一直努力工作至今，現回想過去，她覺得自己錯失很多無憂無慮的日子，「18歲係年輕人玩得最開心同埋享受校園生活嘅時候，但我就係不停工作，我想搵番缺失咗嘅歡樂。」
吳若希於18歲時出道，之後為TVB劇集《使徒行者》獻唱片尾曲《越難越愛》，該曲為她勇奪多個獎項，並奠定「劇集歌天后」地位。
