「牛丸」北上7年 成金牌主帥
勇於迎接新挑戰
香港近年有不少球員轉戰內地球壇，不過成功衝出香港的本土教練仍是鳳毛麟角。陳婉婷（牛丸）花了7年時間在內地球壇打出名堂，去年帶領江蘇女足在全運會登頂，今年再轉戰內地爆紅的「蘇超」，重掌男足帥印。這位「金牌主帥」認為是不進則退的壓力擴闊了她的眼光，亦推動着她的成長。
闖蕩多年，陳婉婷對內地的生活方式瞭如指掌，但回想起當年初來報到，她坦言亦經過了一段適應期，7年前旅遊期間接了一個電話後毅然北上，陳婉婷坦言當時自己是勇字當頭：「決定北上係我教練生涯嘅轉捩點，最重要係喺呢度，我有機會成為一個真正專業嘅教練。」
在內地球壇算是站穩陣腳，「牛丸」亦嘗試協助其他港產教練北上發展，目前在蘇州隊的助教Michael就是其中之一，她感激香港及東方足球隊讓自己有機會開啟教練生涯：「如果唔係喺香港，我一個大學主修地理嘅人根本冇可能進入足球行業。」但論職業發展前景，內地球壇除了收入提升空間更大外，亦有更大成就感：「江蘇女足願意畀4年時間我，去打造一支衝擊全運金牌球隊，對一個教練嚟講係珍貴機會。最後唔單止完成任務、攞到金牌，呢幾年間仲有13名球員成為國腳，有兩名甚至能夠外流，能夠向國家隊輸出呢班人才，我感到非常驕傲。」
帶「蘇超」 男足 邁向新舞台
去年底完成全運會奪金重任後，陳婉婷今年接受新挑戰轉戰「蘇超」執教蘇州隊。這個聯賽近年在內地爆紅，場均3、4萬名觀眾是等閒事，「牛丸」坦言自己也被「墟冚」場面所震撼：「場場波都有幾萬人睇，又有開幕禮又有VAR，連個波都係今年世界盃專用足球，我從未試過喺咁多人面前比賽，無論對我定係球員，都係難得經歷。」每次迎接新挑戰，她都視之為從零開始：「當然你要想辦法去表現自己嘅優點，但更重要嘅係觀察同學習，融入當地文化，衝出香港一定唔會容易，亦未必能夠一次就成功，但無論最終係咪可以達到你心目中目標，你都一定會有收穫同埋成長。」
