北上爽嘆粥底火鍋 黃貝嶺嘗海鮮盛宴
大家若果北上搵食希望清淡一點，粥底火鍋絕對是不錯選擇。位於鄰近蓮塘口岸黃貝嶺的「壹號粥火鍋」，賣點是一人一鍋打邊爐，大量海鮮、肉類、蔬菜、菇菌細細碟，分不同價格各取所需，最便宜幾蚊人民幣一碟，打邊爐尾聲找服務員在湯鍋加上稀飯，最後加一碟粥底伴侶，有鹹蛋、臘腸碎等，所有精華煲成濃濃海鮮粥，啖啖鮮甜兼飽肚，愛北上的「海鮮控」肯定大滿足！
撰文：龍獅
「壹號粥火鍋」黃貝嶺店是不少老友記北上人氣熱店，距蓮塘口岸不遠，地鐵黃貝嶺站F1出口步行數分鐘直達，吸引很多北上買餸人士幫襯，附近亦有中式酒家蘩樓、老牌超巿沃爾瑪及不同民生小店，一站式配套對港客友善。至於「壹號粥火鍋」主打深圳首創海鮮煲仔粥，海鮮源頭直送，一人一鍋，清潔衞生。餐廳裝修簡約，食客甫進店如置身街市，新鮮海鮮、肉類任揀任攞，揀完海鮮如鮑魚可要求檔口師傅幫手處理清洗，服務周到。不過，店家最重要是冷氣強勁，對最怕熱的港客來說可謂最強賣點，因此經常人頭湧湧，晚飯時間即使閒日門外也擠滿人潮。
濃郁清淡鍋底任君嘗
店家供應的鍋底包括白粥、花膠雞、麻辣、番茄及椰子水鍋底等五種口味，各有捧場客。菜品種類逾100種，火鍋主角當然是多達20款的海鮮，從鮑魚、貴妃蚌、象拔蚌、大頭蝦、九節蝦、花蛤、沙白、白貝、蟶子、湛江蠔等各式食材應有盡有，大大隻蠔¥25一碟兩隻、蝦滑一碟¥15，童叟無欺；肉類方面，潮汕牛的吊龍、胸口油、手切牛肉、肥牛、羊肉卷等任君選擇，當然也有各式公仔麵、米粉等，鍾意什麼可攞什麼，食飽最後才每碟計數，大胃王肯定「收貨」。
海鮮精華變最強靚粥
打邊爐的食材在鍋內「不止烚熟」，而是將鮮味釋放到湯鍋，令大家喝每啖湯也是享受。食客在店內會發現，蝦甜、魚嫩、貝鮮，層次分明不會出現死鹹或一煮即散的狀況，難怪店家口號是「以食材新鮮為王」。不過，整餐飯的重點肯定是尾聲的粥底火鍋，整鍋湯集合打邊爐食材的精髓，加上鹹蛋、臘腸碎組成的粥底伴侶提鮮，再找服務員加稀飯再煲一會，結合成濃郁鮮甜的海鮮粥，美味到「懷疑人生」。除此之外，飲品選擇除了一般汽水、啤酒，更有$8的自家製石榴汁，清甜又解渴，人均約¥100已可飲飽食醉，價錢親民，絕對是大家到黃貝嶺買餸前後醫肚的最佳選擇。
